Skip To main content

Reiknistofa bankanna og Defend Iceland í samstarf

Reiknistofa bankanna hefur samið við netöryggisfyrirtækið Defend Iceland um aðgang að hugbúnaði villuveiðigáttar fyrirtækisins. Með notkun villuveiðigáttarinnar nýtir Reiknistofa bankanna nýjustu aðferðir í netöryggi til að tryggja öryggi innviða fjármálakerfisins.

„Í því umhverfi sem við búum í með stöðugri aukningu í þróuðum netárásum þurfum við að vera mjög vakandi yfir þeim aðferðum sem hægt er að beita til þess að bæta netöryggi í okkar umhverfi. Samstarf okkar við Defend Iceland styrkir okkur á þessari vegferð og veitir okkur dýrmæta innsýn í nýjungar og bestu starfsaðferðir til þess að efla netöryggi,“ segir Ragnhildur Geirsdóttir, forstjóri Reiknistofu bankanna.

Í villuveiðigátt Defend Iceland eru aðferðir tölvuhakkara og skipulagðra netárásarhópa hermdar til að leita með markvissum hætti að veikleikum í upplýsingatæknikerfum notenda kerfisins, í því augnamiði að lagfæra þá áður en tölvuglæpamenn nýta þá til að brjótast inn og ná stjórn á viðkomandi kerfum.

„Netárásum skipulagðra glæpahópa fjölgar hratt og því er mikilvægara en nokkru sinni fyrr að tryggja varnirnar. Við hjá Defend Iceland höfum lagt áherslu á mikilvægi forvirkra netöryggisráðstafana og þá sérstaklega þegar kemur að krítískum innviðum samfélagsins,“ segir Jóhanna Vigdís Guðmundsdóttir, stjórnandi viðskiptaþróunar hjá Defend Iceland.

Aðrar fréttir

Sjá allar fréttir

Hvernig villuveiðigáttir hjálpa þér að uppfylla NIS2

Ný tilskipun Evrópusambandsins um net- og upplýsingaöryggi, NIS2, er yfirvofandi og gerir auknar kröfur til mikilvægra og nauðsynlegra aðila um netöryggi, áhættustýringu og upplýsingagjöf. Fyrirtæki sem falla undir tilskipunina þurfa nú að sýna fram á aukna öryggisvitund, skilvirkari viðbragðsáætlanir og betri stjórn á veikleikum. Ein skynsamleg og hagkvæm leið til að ná þessum markmiðum er með villuveiðigáttum og stefnu um ábyrga upplýsingagjöf öryggisveikleika (e. coordinated vulnerability disclosure).
Lesa meira

404 Villa Happy Hour Fannst ekki!

Defend Iceland býður í Happy Hour með netöryggis- og varnarmála ívafi í samstarfi við miðstöð stafrænnar nýsköpunar (EDIH-IS) og Rannís. Viðburðurinn er opinn öllum sem hafa áhuga en skráning er nauðsynleg.
Lesa meira

Einn færasti hakkari heims heldur námskeið á Íslandi í öryggisveikleika leit (e. Vulnerability hunting)

Jason Haddix, einn færasti hakkari heims og forstjóri Arcanum Security, er væntanlegur til landsins í næstu viku og mun leiða námskeið í öryggisveikleika leit í samstarfi við Defend Iceland dagana 21. - 23. janúar í Háskólanum í Reykjavík. Jason kemur frá Bandaríkjunum og er með yfir 20 ára reynslu í netöryggi auk þess hefur hann hlotið viðurkenningu sem einn af fremstu sérfræðingum á villuveiðigáttum (Bug Bounty Platform). Alþjóðleg fyrirtæki á borð við Apple, Microsoft, Google, KPMG, Deloitte, Amazon, Walmart og fleiri hafa reglulega nýtt sér námskeið og þekkingu Jason Haddix. 
Lesa meira

Spennandi áfangi hjá Defend Iceland

Við fórum í loftið í febrúar á þessu ári og erum stolt af því að vera komin í samstarf við 27 frábæra viðskiptavini. Þessir aðilar spanna öll svið samfélagsins, frá stórum hluta fjármálageirans til lykilaðila í orku- og heilbrigðisgeiranum - og nú Alþingi Íslendinga.
Lesa meira

Defend Iceland gerir samning við Origo til að efla netöryggi

Við hjá Defend Iceland erum stolt af því að taka höndum saman við Origo til að efla netöryggi kerfa þeirra. Netárásir, sem nýta veikleika í hugbúnaði, halda áfram að aukast verulega. Það er mikilvægt að finna þessa veikleika áður en árásarmenn gera það – því í stafræna heimi okkar er heilsa alls vistkerfis hugbúnaðarins nauðsynleg til að halda nauðsynlegri þjónustu gangandi.
Lesa meira

Þessi vefsíða notar vefkökur (e. cookies) til að bæta upplifun notenda af síðunni.